ՀՌԱՀ

Հարգելի այցելու

ՀՀ Նախագահի հրամանագրով 2012թ․ մայիսի 6-ին նշանակվել է ՀՀ Ազգային ժողովի հերթական ընտրությունը։

Հեռուստատեսության և ռադիոյի ազգային հանձնաժողովը ընտրությունների նախընտրական քարոզչության ժամանակահատվածում իրականացնելու է վերգետնյա եթերային հեռարձակում իրականացնող հեռուստառադիոընկերությունների կողմից թեկնածուների, համամասնական ընտրակարգով ընտրություններին մասնակցող կուսակցությունների, կուսակցությունների դաշինքների համար հավասար պայմաննների ապահովման  մշտադիտարկում (մոնիթորինգ)։

Մշտադիտարկման ընթացքին կարող եք հետևել մեր կայքի «Ընտրություններ 2012» բաժնում։

Հանձնաժողովը ընկերությունների հեռարձակած ծրագրերի ՀՀ ընտրական օրենսդրությանը համապատասխանության մշտադիտարկումը իրականացնելու է.
- հեռուստառադիոծրագրերի և դրանց տեսագրությունների (ձայնագրությունների) անմիջական դիտարկման արդյունքների.
- գրանցամատյանների և ընկերություններից ստացված տեղեկատվության.
- ընտրություններին մասնակցող թեկնածուների, համամասնական ընտրակարգով մասնակցող կուսակցությունների, կուսակցությունների դաշինքների և (կամ) նրանց ներկայացուցիչների հանձնաժողով ներկայացրած տեղեկատվության.
- ընկերությունների կողմից ՀՀ ընտրական օրենսդրության խախտումների մասին լրատվամիջոցների հրապարակումների.
- պետական մարմինների, հասարակական և միջազգային կազմակերպությունների հանձնաժողով ներկայացրած կամ հրապարակած տեղեկատվության
ուսումնասիրության հիման վրա: Հանձնաժողովը ակնկալում է նաև Ձեր օժանդակությունը։ Մեր տվյալները բերված են «Հետադարձ կապ» բաժնում։